1. Գտնե՛լ համաձայնության սխալները։
1. Մարդկանց մի մասը գնացին աշխատելու։
2. Պահանջվում է հմուտ մասնագետներ։
3. Նրան՝ որպես հմուտ մասնագետ, պարգևատրեցին։
4. Արմենը ընկերոջ հետ անցան բակով։
5. Ամեն մեկը գնացին իր աշխատավայրը։
2. Գտնե՛լ խնդրառության սխալները։
1. Նա դաշնամուրի վրա լավ է նվագում։
2. Այդ գործում նա չի մասնակցել։
3. Ընկերս համաձայն էր իմ առաջարկի հետ։
4. Նկարը փակցրեց պատից։
5. Ոչ ոք չհետաքրքրվեց կատարվածից։

Շտեմարանային հարցեր

Ո՞ր նախադասության մեջ խնդրառության սխալ կա:

1. Երեկոյի ավարտին երգչուհին շնորհակալություն հայտնեց բոլորին, ովքեր աջակցել էին իրեն մեծ փառքի հասնելու համար: (ճիշտ)
2. Այդ մարդաշատ քաղաքում ես ոչ միայն ծանոթացա իմ կյանքի ընկերեջ հետ, այլև հաղորդակից եղա նրա դարավոր մշակույթին:
3. Հրավիրվածների մեծ մասը տեղյակ էր նրա նենգ քայլերին:
4. Նախընտրում եմ, սակայն, նրա հոգսը թողնելու կյանքին ու Աստծուն:

Ո՞ր նախադասության մեջ խնդրառության ախալ կա:

1. Արագ հիասթափվում էր ամենքից ու ամեն ինչից:
2. Նրանք սկսել են կարևորել այդ գործին: (ճիշտ)
3. Կարծես մի աչքով աջ էր նայում, մյուսով՝ ձախ:
4. Դանդաղ մոտեցավ խմբին և սկսեց խոսել Աստծուց ու աստվածայինից:

Ո՞ր նախադասության մեջ խնդրառության ախալ կա:

1. Պարզվեց, որ ռուսական գիմնազիան իրոք ոչինչ չի տալիս ավարտողներին, բացի «հասունության վկայականից»:
2. Այդ նշանավոր պարոնը իր հոդվածներից մեկը նվիրել էր Կովկասի դեպքերին և կարծիք հայտնել Բաքվի կոտորածների տնտեսական հիմքի վերաբերյալ:
3. Ըստ նրա համոզման՝ թուրքերը, ինչպես ամենուրեք, Կովկասում ևս տնտեսապես հարստահարվում էին ավելի ճարպիկ ազգությունների, մասնավորապես հայերի կողմից:
4. Մեքենան արագ ընթանում էր դեպի իջևանատանը, իսկ հոգնած ուղևորները երազում էին հանգստի մասին: (ճիշտ)

Ո՞ր նախադասության մեջ խնդրառության ախալ կա:

1. Ազգի զարգացումը խթանելու համար մեծ ու անձնազոհ առաջնորդներ են պետք:
2. Մեր առաջընթացին միշտ էլ խոչնընդոտել են անձնապաշտ ու դավաճան մարդիկ:
3. Մարդ կոչվելու իրավունք ունի նա, ով միշտ երախտապարտ է իր ծնողներին, իր ուսուցիչներին:
4. Աղջիկը ստիպված էր համաձայնել սիրած տղայի կարծիքին: (ճիշտ)

Ո՞ր նախադասության մեջ խնդրառության ախալ չկա:

1. -Առաջարկներիդ հետ լիովին համաձայն ենք,-ասաց տնօրենը:
2. Նրա բոլոր ձեռնարկումներին մերձավորները միշտ սատարում էին:
3. Արածդ սխալի համար պիտի ներողություն խնդրես հորդ:
4. Ձու գողացողը ձի էլ կգողանա: (ճիշտ)

Ո՞ր նախադասության ընդգծված անդամներն են կապված համաձայնությամբ:

1. Մեծ բանաստեղծ Թումանյանը միշտ իր ժողովրդի հետ է եղել:
2. Այն ժամանակ Հիսուսը հավաքեց իր աշակերտներին, լեռը բարձրացավ:
3. Մեն-մենակ պարում էր մի աղջիկ՝ նոճիահասակ ու գիսարձակ:
4. Սմբատ Բագրատունուն՝ որպես կայսեր դեմ մեղանչածի, գցում են գազանների դեմ: (ճիշտ)

Ո՞ր նախադասության ընդգծված անդամներն են կապված համաձայնությամբ:

1. Խորասանի մեծ բանաստեղծը՝ Օմար Խայամը, կավե գավաթից գինի էր խմում:
2. Քաղաքը աստիճանաբար արթնանում էր անդորր քնից:
3. Նրա հայացքը բևեռված էր ինձ վրա: (ճիշտ)
4. Իսկ աղոթելիս մենք դադարեցինք մեր հայացքը դեպի առաստաղ ուղղելուց:

Ո՞ր նախադասության մեջ համաձայնության սխալ կա:

1. Կա՛մ Թինան, կա՛մ Լիանան պիտի ավարտին հասցնեն գործը: (ճիշտ)
2. Ե՛վ տղան, և՛ աղջիկը կարծես սպասում էին հրաշքի:
3. Անտարբեր հայացքը դեպի գոմի դուռն էին ուղղել պառավ կովը, սպիտակ ձին:
4. Տերյանի «Մթնշաղի անուրջները» նոր էջ բացեց հայ բանաստեղծության մեջ:

Ո՞ր նախադասության մեջ համաձայնության սխալ կա:

1. Այսպես է անցկացնում իր ժամանակը բուն փարիսեցիների մեծ մասը:
2. Եվրոպայում թե՛ միջնակարգ, թե՛ բարձրագույն դպրոցները ուսանողներից պահանջում են աշխատասիրություն:
3. Հարևանների կյանքը, նրանց առօրյա անցուդարձը ինձ շատ է հետաքրքրում: (ճիշտ)
4. Այստեղ ուսում են տալիս, գիտություն են սովորեցնում, իսկ այնտեղ միայն քաղաքացիներ են պատրաստում:

Ո՞ր նախադասության մեջ համաձայնության սխալ կա:

1. Որպես կարգազանցների՝ աշակերտներից մի քանիսին պատժեցին:
2. Աշակերտը և նրա ուսուցիչը պարգևատրվեցին պատվոգրերով:
3. Ոտքերը ցավում էր, և չշարունակեց վերելքը: (ճիշտ)
4. Մի քանիսը ցատկեցին և սկսեցին մագլցել դեպի վեր:

Ո՞ր նախադասության մեջ համաձայնության սխալ կա:

1. Քնելուց առաջ տան դուռը փակում էր կա՛մ պապս, կա՛մ մեծ հորեղբայրս:
2. Թմբուկ, զուռնա, աղաղակ, հռհռոց խառնվեց իրար, սկսվեց իրարանցում: (ճիշտ)
3. Նիդեռլանդները Եվրոպայի լավագույն երկրներից է:
4. Նրա ուշք ու միտքը դրսում էր:

Ո՞ր նախադասության մեջ համաձայնության սխալ կա:

1. Լիլիթի երեսպաշտությունը, կեղծավորությունը պատմվածքում անձնավորված են:
2. Ես ու Լևոնը մտածում էինք գալիք օրերի մասին:
3. Թե՛ քաղաքներում, թե՛ գյուղերում տիրում էր խաղաղություն:
4. Նրան չէր անհանգստացում ո՛չ ցուրտը, ո՛չ մենակությունը: (ճիշտ)

Ո՞ր նախադասության մեջ համաձայնության սխալ կա:

1. Թե ինչ սոսկալի դեպքեր էին կատարվել նրանց տանը, ամեն մարդ գիտեր:
2. Քեզ՝ իբրև հաղթողի, հանձնելու են պատվոգիր:
3. Ե՛վ Զանգու գետի ափին հանգստացողների ուրախ աղմուկը, և՛ ծաղկած ծառերի բույրը հոգիդ լցնում է քաղցր զգացողությամբ: (ճիշտ)
4. Ոչ մի առարկություն չկա այդ հարցում:

Ո՞ր նախադասության մեջ համաձայնության սխալ կա:

1. Հրավիրյալների մեծամասնությունը այդպես էլ չկարողացավ որևէ նախաձեռնությամբ հանդես գալ:
2. Դու հեռացար, ու քեզանից հուշեր, անմոռաց հույզեր մնաց: (ճիշտ)
3. Մայրը երեխայի հետ գնաց զբոսանքի:
4. Ուսանողներից յուրաքանչյուրը սպասում էր իր արդյունքների ամփոփմանը:

Ո՞ր նախադասության մեջ համաձայնության սխալ կա:

1. Իջնում էր ձյունը հանդարտ՝ ճերմակ անուրջներով պարուրելով աշխարհը:
2. Մագաղաթյա մատյանները դարերի գանձերն են ամփոփում իրենց մեջ:
3. Վերջին օրերի դեպքերը, նախարարների՝ երկրի տարբեր կողմերից ժամանակը խառնաշփոթ էր ստեղծել մայրաքաղաքում: (ճիշտ)
4. Մենք ամենքս հյուր ենք կյանքում Մեր ծննդյան փուչ օրից…

Առանձնացնե՛լ տրված հատվածում եղած պարզ և բարդ նախադասությունները։

(1) Երբ միառժամանակ ձիու ոտնաձայն և վրնջյուն չլսվեց,(պարզ ընդարձակ) (2) Թորգոմը սրտի
թրթիռով գնաց դեպի անտառի եզրը(պարզ ընդարձակ) (3) ու ցաքուցրիվ մացառների մեջ բերանքսիվայր պառկելով՝ նայեց աջ և ձախ:(պարզ ընդարձակ) (1) Դիմացը միայն բարձրաբերձ սարն էր՝ լերկ ու
քարակարկառ,(պարզ ընդարձակ) (2) իսկ շուրջը ամայություն էր:(պարզ ընդարձակ) (1) Հավաստիանալու համար, (2) որ իրոք
չկա ոչ ոք,(պարզ համառոտ) (1) նա նույն դիրքով սրտատրոփ դույզն-ինչ էլ սպասեց:(պարզ ընդարձակ) Դարձյալ ոչ մի
ձայն չլսվեց:(պարզ ընդարձակ) Այնժամ նա զգույշ հետ դարձավ։(պարզ ընդարձակ)

Ո՞ր տարբերակում է ստորադաս նախադասությունը նախադաս:

1. Ի լրումն այն ամենի, ինչ գրել էր նախորդ նամակում, ուզում եմ մի խոստովանություն անել:
2. Որքան անհրաժեշտ եք համարում, այնքան էլ կմնամ:
3. Զգաց, որ փախչելու տեղ չկա, և սեղմվեց մի անկյունում:
4. Կինը, որ ամբողջ ժամանակ մտասույզ իր կարն էր անում, բարձրացրեց գլուխը:

Ո՞ր տարբերակում է ստորադաս նախադասությունը ենթակա:

1. Խմբին մոտեցավ մի աղջիկ, որ հագել էր երկար շրջազգեստ:
2. Ոչ մի կերպ չէի պատկերացնում, թե ինչ էր սպասվում ընտանիքիս:
3. Պարզ չէ, թե ինչ ճանապարհով է երեխան հասել այստեղ:
4. Չեմ զղջում, որ ընկերոջս արտահայտվելու հնարավորություն չտվեցի:

Ո՞ր տարբերակում է ստորադաս նախադասությունը ենթակա:

1. Տիկին Սաթենիկը, որ Մխիթար սպարապետի կինն էր, կանգնած էր ամրոցի՝ անդունդի վրա կախված միակ քարե պատշգամբում:
2. Զգում էր, որ յուրայինների վիճակը ժամ առ ժամ վատանում էր:
3. Պարզվեց, որ պարսկական զորքերը ծուղակն են ընկել նեղ կիրճը մտնելուց հետո:
4. Նրան նայեցի ու ապշեց, որ իմ խոսքերից բնավ չէր այլայլվել:

Գտնե՛լ խնդիրները և որոշե՛լ տեսակը։
Մի բարձրուղեշ ծառի մոտով անցնելիս ինձ թվաց, թե լսում եմ մարդկային
բազմաթիվ ձայներ և երաժշտության նման ինչ-որ ելևէջներ: Նայեցի աջ ու ձախ,
բայց ոչինչ չտեսա: Ձայները դադարեցին և մի քանի վայրկյանից նորից կրկնվեցին: Պարզվեց, որ դրանք գալիս են տասնինը-քսան մետր բարձրություն ունեցող
այդ ծառից: Երբ մի թեթև սյուք է անցնում ճյուղերի միջով, ծառի ասեղնաձև
տերևները, իրար շփվելով, մի տեսակ նվագահանդեսի պատրանք են ստեղծում:
Հիշեցի, որ մի գրքում վաղուց կարդացել էի այդ ծառի մասին:

բազմաթիվ մարդկային ձայներ և երաժշտության նման ինչ-որ ելևէջներ-ուղիղ խնդիր

ոչինչ-ուղիղ խնդիր

մի տեսակ նվագահանդեսի պատրանք-ուղիղ խնդիր

Գտնե՛լ պարագաները և որոշե՛լ տեսակը։
Ամեն առավոտ՝ ժամը վեցին, ես բարձրանում էի կանաչազարդ բլրի գագաթը՝ ոսկեվառ արևածագը տեսնելու: Բարձրաբերձ լեռներից փչում էր վաղորդյան
սարսռեցնող զովությունը, և դրանից կնճռոտվում էր լճի վիթխարի կապույտ հայելին: Արևի դեղնազօծ սկավառակը ելնում էր Այծեմնասարի խորդուբորդ թիկունքից, և այդ պահին լիճն առկայծում էր երփնավառ ծփանքով: Լսվում էր աղավնիների կանչը մոտակա քարափից, և երամը փռփռոցով օդ էր բարձրանում՝ լողալու
արևի առաջին ոսկեզօծ շողերում:

Ամեն առավոտ՝ժամը վեցին-ժամանակի պարագա

կանաչազարդ բլրի գագաթը-տեղի պարագա

ոսկեվառ արևածագը տեսնելու-նպատակի պարագա

բարձրաբերձ լեռներից-տեղի պարագա

Այծեմնասարի խորդուբորդ թիկունքից-տեղի պարագա

այդ պահին-ժամանակի պարագա

մոտակա քարափից-տեղի պարագա

լողալու արևի առաջին ոսկեզօծ շողերում-նպատակի պարագա:

1. Գրե՛լ երեք այնպիսի ձայնարկություն, որոնցով հնարավոր
լինի կազմել այլ խոսքի մասեր։

Տը՜զզ-տզզալ խը՜շշ-խշշալ շը՜շշ-շշուկ

 2. Գտնե՛լ ձայնարկությունները (առոգանության նշանները
դրված չեն) և խմբավորե՛լ ըստ տեսակների։
Վայ, խշշալ, ձայն տալ, ծուղրուղու, հեյ, հարայ կանչել, ճռռոց, օֆ, քչքչոց,
ծիվ-ծիվ, բզզոց, ախ, վաշ-վիշ, ճռվողյուն, ուխայ, թրըխկ, շրխկոց։

Վա՜յ-զգացական

ծուղրուղու՜-նմանաձայնական

հե՜յ-կոչական

օ՜ֆ-զգացական

ծի՜վ-ծի՜վ-նմանաձայնական

ա՜խ-զգացական

վա՛շ-վի՛շ-զգացական

ուխա՜յ-զգացական:

Վերաբերականները խմբավորե՛լ ըստ տեսակների։
Բարեբախտաբար, արդարև, անշուշտ, միայն, ահավասիկ, ի դեպ,
անպատճառ, ահա,անպայման, իսկապես, իրոք, հիրավի, ո՛չ, չէ՛, գուցե, երևի,
իմիջիայլոց, թերևս, կարծեմ, կարծես, միգուցե, այնուամենայնիվ, մի՞թե, արդյոք,
երանի, ցավոք, նույնիսկ, մանավանդ, մինչև իսկ, գեթ, լոկ, գոնե, կարծես թե,
սոսկ, միայն թե, անկասկած, հապա, մի, համենայն դեպս, այսուհանդերձ։

Հաստատական-արդարև, անշուշտ, անպատճառ, անպայման, իսկապես, իրոք, հիրավի, անկասկած

Երկբայական-գուցե, երևի, արդյոք, կարծեմ, կարծես, միգուցե, մի՞թե, կարծես թե, արդյոք, թերևս

Ժխտական-ո՛չ, չէ՛

զգացական-բարեբախտաբար, ցավոք, երանի

Սաստկական-նույնիսկ, մանավանդ, մինչև իսկ

Սահմանափակման-գեթ, լոկ, գոնե, սոսկ, միայն թե

Ցուցական-ահա, ահավասիկ

Զիջական-ի դեպ, իմիջիայլոց, այնուամենայնիվ, այսուհանդերձ, համենայն դեպս

Կամային-հապա, մի:

• Դո՛ւրս գրեք անհասկանալի բառերն ու բառարանի միջոցով բացատրե՛ք։

կորով-մտավորապես ֆիզիկապես ուժեղ, եռանդուն, հզոր:

կոխ-հայկական ազգային ընմբշամարտ, գոտեմարտ:

վուրհայով-գոռալով, աղաղակելով:

• Բնութագրե՛ք տղային։

Պատմվածքի գլխավոր կերպարը մի թուլակազմ, բայց կիրթ երիտասարդ էր: Նա սիրահարվում է մի աղջկա և փորձում է հոգ տանել նրա մասին, չցանկանալով, որ աղջիկը ականատես լինի այդ ահավոր կռրվներին: Երկար մարտնչելով, նա հասկանում , որ պետք է վերանայի իր եսը, և սկսի պաշտպանել թե՛ իրեն և թե՛ իր սիրած աղջկան: Այս ամենը նրան մեծ բարդությամբ էր տրվում, երբեմն նվաստացուցիչ պարտություններով: Ընկնելով և չբարձրանալով նա պայքարում էր: Անցնում է որոշ ժամանակ և երբեմնի թուլակազմ արտաքինով տղան դառնում է մի մկանոտ երիտասարդ ով կարող էր պատպանել ինքն իրեն: Կյանքի հարվածներն են, որ մեզ առավել ուժեղ են դարձնում և մղում դեպի ապագա: Այլ հարց է ,թե ինչպիսին կլինի այդ ապագան, շտապեմ տեղեկացնել` դա մենք ենք որոշում:

• Ո՞րն է պատմվածքի մեջ արտահայտված գաղափարը։

Գլխավոր գաղափարը կամփոփեմ հետևյալ ուղերձով.

-Բարեկամս, որքան էլ բարդ լինի ճանապարհդ երբեք մի’ հանձնվիր: Խնդիրներիդ ժպիտով նայիր և դրանք իսկույն կվերանան: Եվ որ ամենից կարևորն է` երբեք չկորցնես եսդ, չթողնես անցնեն քո վրայով: Սիրիր քեզ էնպիսին, ինչպիսին որ կաս, միայն այդ ժամ քեզ կսիրեն:

• Քո կաիծիքով՝ ինչու է պատմվածքը կոչվում «Սիրելու տարիք»։

Կարծում եմ միտքը կայանում է նրանում , որ սիրելու տարբեր տարիքներ կան: Նախ մանկական սերը , երբ քեզ համար նա ամենան է , պարզապես սիրում ես նրան և վերջ: Ապա համեմատական է դրվում պատանեկան սիրո տարիքի մասին: Այդ ժամ ոչ միայն սիրում ես, այլև սկսում ես պատշպանել քո սիրած էակին, հոգ տանել , ինչը փոքր սիրելու տարիքում չկա: Դե իսկ պատանեկական տարիքից մեծ սիրո մասին դեռևս խոսել չեմ կարող, քանզի ինքս էլ չգիտեմ` թե դա ինչպես է արտահայտվում:

Ժայռի վրա կառուցել տունը 

Ով որ ինձ մոտ է գալիս և իմ խոսքերը լսելով՝ գործադրում է դրանք, ձեզ ասեմ, թե նա ում է նման։ Նման է այն մարդուն, որ տուն կառուցելու համար հողը խորն է փորում և հիմքը հաստատում ժայռի վրա։ Երբ գետը, հեղեղներից հորդելով, զարկի այդ տանը, չի կարողանա խախտել այն. որովհետև տան հիմքը ժայռի վրա է հաստատված։ Իսկ ով լսում է իմ խոսքերը, բայց չի գործադրում դրանք, նման է այն մարդուն, որ հողի վրա առանց հիմքի տուն է կառուցում. երբ գետը զարկում է դրան, այն իսկույն քանդվում է։ Եվ ի՜նչ ահավոր է լինում այդ տան կործանումը։

Առակը ուսուցանում է մարդկանց, որ նրանք պետք է հետևեն Հիսուսի խոսքերին: Առակում ասվում է, որ նա ում լսելի է եղել Հիսուսի խոսքը, պարտավոր է ենթարկվել այդ խոսքերին: Այդժամ նրա ճամփան հարթ կլինի և նա Հիսուսին մոտ կլինի:

Ի տարբերություն հնազանդների, անհնազնդների կյանքը նման կլինի առանց հիմքի տան, որը թեթև երերումից կքանդվի, քանզի այն` հավատի վրա չէ կառուցված: Այդպիսի մարդկանց կործանումը շատ ահավոր է լինում:

Առաջին տեսանյութում ներկայացվում է Կոմիտասի թանգարանը։

Կոմիտասի թանգարան-ինստիտուտը պաշտոնապես իր դռները բացեց 2015 թ. հունվարի 29-ին՝ նպատակ ունենալով համակողմանիորեն ներկայացնելու Կոմիտասի կյանքն ու գործունեության տարբեր ոլորտները, հանրահռչակելու նրա բազմակողմանի երաժշտական ժառանգությունը: 

Թանգարանի մշտական ցուցադրությունը բաղկացած է ութ թեմատիկ սրահներից, որոնք արտացոլում են Կոմիտասի կյանքի ուղին, նրա կոմպոզիտորական, երաժշտագիտական, բանահավաքչական և կատարողական գործունեությունը:  Ցուցասրահներում հնչում է կոմպոզիտորի երաժշտությունը: Ցուցադրության հեղինակ և համադրողը Վարդան Կարապետյանն է, ձևավորող–նկարիչը՝ Ալբերտո Տորսելլոն:

• Առաջին սրահ՝ «Ժամանակագրություն»
• Երկրորդ սրահ` «Կոմիտասը և իր ժամանակակիցները»
• Երրորդ սրահ՝ «Կոմիտասի միտքը»
• Չորրորդ սրահ՝ «Կոմիտասի բանահավաքչական գործունեությունը»
• Հինգերորդ սրահ՝ «Կոմպոզիտոր Կոմիտասը»
• Վեցերորդ սրահ՝ «Կոմիտասը և հոգևոր երաժշտությունը»
• Յոթերորդ սրահ՝ «Կոմիտասի ելույթները»
• Ութերորդ սրահ՝ «Կոմիտասից հետո»

Երկրորդ տեսանյութում պատմվում է` Կոմիտասի կյանքի, գործունեության, ստեղծագործությունների և դրանց գրման մանրամասների մասին: