Սերունդ, մարդկանց տարիքային որոշակի խումբ, միևնույն պատմության դարաշրջանում ձևավորված մարդկանց ամբողջություն։
Իմ ընտանիքը կազմված է երեք սերնդից՝ տատիկիս սերունդը, ծնողներիս սերունդը , իմ և քրոջս սերունդը: Այս երեք սերունդների հասարակակարգերում տարբերությունները ակնհայտ են:
Ամբողջատիրական վարչակարգ
Ամբողջատիրական համակարգին բնորոշ կողմերն են՝ սահմանադրական իրավունքների և ազատությունների փաստացի վերացումը, հասարակական կյանքի լիակատար ենթարկումը իշխանության շահերին և համատարած վերահսկության հաստատումը հասարակության նկատմամբ, քաղաքական ընդդիմության և այլախոհների հանդեպ բռնարարքների լայնածավալ կիրառումը։
Վարչակարգին հատկանշական էին հետևյալ կետերը՝
- Պետությունը ճանաչվում էր իբրև միակ ստեղծագործ ուժը, որն ազգին առաջնորդում էր դեպի «պայծառ ապագա»։
- Մենաշնորհ զինված պայքարի բոլոր միջոցների վրա:
- Անհատից, ազգից, պետությունից ու կուսակցությունից վեր կանգնած էր առաջնորդը։
- Հասարակությունում անհատը անվերապահորեն ենթարկվում էր մեծամասնությանը՝ հրաժարվելով սեփական մղումներից:
Տոտալիտարիզմը որակապես այլ երևույթ է ի տարբերություն ցանկացած տիպի այլ իշխանության, որքան դաժան էլ որ այն լինի:
Կրթական կյանքը սովետական Հայաստանում
1926 թ. սկզբներից Խորհրդային Հայաստանում կրթական կյանքն աննախադեպ կերպով զարգացում է ապրում: Զարգացման հիմնական ուղղություններն էին՝
- Անգրագիտության վերացում
- Պարտադիր տարրական կրթություն և ապա անցում յոթնամյա կրթության
- Տեխնիկական կրթության կազմակերպում
- Բարձրագույն կրթության կատարելագործում
Խորհրդային կրթական համակարգի ամենամեծ ձեռքբերումը դպրոցների ցանցի ընդլայնումն էր: Բացվեցին լիկկայաններ, որոնց շնորհիվ 10 տարում գրագիտության մակարդակը հասավ 70%-ի։ Ուսուցիչների կրթական մակարդակը բարձրացնելու նպատակով բացվեցին մանկավարժական ուսումնարաններ և համալսարաններ։
1920-ական թվականներին դպրոցը 9-ամյա էր։ 1932 թվականից ներդրվեց 10-ամյա կրթությունը։ Բացվեցին բազմաթիվ համալսարաններ և ինստիտուտներ։ Հայրենական մեծ պատերազմից հետո Հայաստանում կտրուկ ավելացավ դպրոցների թիվը՝ հասնելով 1600-ի։ Իսկ աշակերտների թիվը հասավ 600 հազարի։ 12-15 բուհերում սովորում էր 50-60 հազար ուսանող, ինչը տոկոսային հարաբերությամբ ԽՍՀՄ լավագույն ցուցանիշներից էր։
Հերթական անգամ անրդրադարձ կատարելով սովետական կյանքին , հասկացա որ մեր սերնդի կյանքը աննախադեպ առաջընթաց է ապրել: Մեր սերնդին տրված է ազատ խոսքի իրավունք, լայն հնարավորություններ տարբեր բնագավառներում, ինչը ըստ իս ամենակարևորն է զարգացման համար: Ժամանակները փոխվում են, նոր սերունդը դառնում է հին, իսկ հինը… Մենք նույնպես բացառություն չենք լինի, մենք էլ կդառնանք հին սերունդ և կհիանանք նոր և մեզ գերազանցած սերնդով:
Լիլիթ Սարիբեկյան 